Oro har, enpresak sormen jarduera egiteko kontratatu duen langileak burututako laneko asmakizun baterako eskubidea du, bien artean kontrakorik adostu ezean.
Langileak asmakizunean egindako ekarpenak bere kontratua edo lan-harremana nabarmenki gainditzen duenean baino ez du jasoko ordainsari osagarria.
Langilea ikertzeko kontratatu ez bada, baina enpresan ikasitakoaren ondorioz eta hango tresnak erabilita asmakizun bat lortu badu, enpresariak asmakizuna erabiltzeko eskubidea gordetzearen edo titulartasuna lortzearen artean aukera dezake. Bi kasuetan, langileari ordainsaria eman beharko zaio.
