A procura realizarase nos datos bibliográficos de expedientes de invencións (patentes e modelos de utilidade) nacionais, europeos e mundiais que designan a España e preséntase a tradución ó castelán do solicitante.Os resultados inclúen imaxes e documentos completos (folletos) en formato electrónico (PDF e facsímil).
O banco de datos INTERPAT que se inclúe en INVENES contén datos bibliográficos de Privilexios Reais dende 1826 ata 1878, documentos de patentes e modelos de utilidade tramitados polo Estatuto da Propiedade Industrial dende 1929 e pola nova lei de patentes, do 20 de marzo de 1986, así como as patentes europeas e patentes solicitadas vía PCT que designan a España e xeran un documento en español. Inclúe as imaxes publicadas no BOPI dende 1988, así como os documentos completos. O número de referencias é de máis de un millón.
Os datos bibliográficos dos bancos de datos actualízanse a diario.
