Patent Prosecution Highway (PPH)


Logo_PPH

A Oficina Española de Patentes e Marcas (OEPM) lanzou dende outubro de 2010 unha serie de acordos con oficinas de Propiedade Industrial doutros países.

Estes acordos, que a escala internacional se coñecen co nome de Patent Prosecution Highway (PPH), permitirán a un solicitante da oficina española pedir a tramitación acelerada noutra oficina que participe no proxecto PPH, se as reivindicacións da solicitude foron xa consideradas patentables pola OEPM. Deste xeito, permítese o intercambio de información entre oficinas, evítase a duplicación de esforzos e aceléranse os procedementos de concesión, o que, en definitiva, permite lograr un mellor servizo aos solicitantes de patentes.

Do mesmo xeito, un solicitante dunha oficina de Propiedade Industrial, coa que España tivese asinado un acordo PPH, poderá pedir na OEPM a tramitación acelerada dunha solicitude que obtivera un informe de patentabilidade positivo na súa oficina de orixe.

A utilización deste sistema non está suxeita a ningunha taxa adicional e é o propio solicitante quen debe pedilo expresamente.

PCT-PPH

Un solicitante de PCT que designara a OEPM como administración de busca internacional ou administración encargada do exame preliminar internacional, e conseguira un informe positivo de patentabilidade, ao entrar en fase nacional poderá, así mesmo, beneficiarse do procedemento acelerado do PPH nas oficinas coas que se asinara o acordo correspondente.

A OEPM participa no Programa Piloto PPH MOTTAINAI, que permite solicitar exames acelerados de acordo co programa PPH, en situacións non consideradas ata agora para un mellor aproveitamento do programa PPH.

Información adicional PPH

A OEPM forma parte do acordo chamado PPH Global, no que participan máis de 20 oficinas, e asinou tamén acordos bilaterais PPH con oficinas nacionais.

PPH Global

 

global

O PPH Global é un acordo no que participan máis de 20 oficinas, entre as que se encontra a OEPM, que permite aos solicitantes de patentes solicitar o exame acelerado en calquera das oficinas participantes.

O programa GPPH permite aos solicitantes de patentes solicitar o exame acelerado en calquera das oficinas que participan no proxecto, se a súa solicitude contén reivindicacións que se determinaron patentables/outorgables por calquera das outras oficinas que participan no proxecto piloto.

A principal vantaxe do GPPH é que utiliza un conxunto único de principios e requisitos, e ten como obxectivo simplificar e mellorar a rede de PPH existente para que sexa máis accesible aos usuarios.

Máis información en: Portal do PPH Global

PPH bilaterais

Ademais do programa GPPH, a OEPM lanzou dende outubro de 2010 unha serie de acordos bilaterais con oficinas de Propiedade Industrial doutros países.

 

Turquía

PPH co Instituto Turco de Patentes (TPI)

 

                     

Japón

PPH coa Oficina Xaponesa

 

Colombia

PPH coa Oficina Colombiana

 

 

México

PPH coa Oficina Mexicana

 

Finlandia

PPH coa Oficina Finlandesa

 

 

Perú

PPH coa Oficina Peruana

 

Taiwan

PPH coa Oficina Taiwanesa

 

 

Marruecos

PPH coa Oficina Marroquí

Rusia

PPH co Servizo Federal Ruso de
Propiedade Industrial (Rospatent)

 

 

 

 

Para máis información de carácter xeral sobre a figura do PPH, invitámolos a visitar o portal internacional que a JPO, como organización anfitrioa, preparou para este fin: PPH Portal Website

Para calquera dúbida ou consulta, pode contactar coa OEPM en: pph@oepm.es