< Volver á lista de resultados
A) Comercializar o produto antes de patentalo.
Se se comercializa o produto antes de patentalo destrúese a novidade, pois faise pública a regra técnica antes da presentación da solicitude.
B) Publicar os traballos de investigación antes de patentalos.
Este erro é unha variante do anterior:a publicación do contido da invención antes de presentar a solicitude tamén destrúe a novidade.Polo tanto, procede manter a regra técnica en segredo antes de presentar a solicitude de patente.
C) Non patentar a invención e mantela en segredo.
Nos casos en que, polas características externas da invención, esta é doadamente imitable, non convén mantela en segredo.
D) Crer que o que un non coñece non existe
Con frecuencia, os inventores cren que a súa invención é nova porque nunca viron nada igual nin parecido no mercado.Pero iso non significa que a súa regra técnica non estea documentada.Por iso, son frecuentes as "sorpresas" ao descubrir que o que un cre que inventou xa estaba inventado, aínda que non estea no mercado.Por iso, o mellor antes de iniciar calquera procedemento é asegurarse das posibilidades de éxito mediante unha busca previa que a oficina realiza en 15 días aproximadamente e que mostra os antecedentes da invención.
E) Esquecerse que a novidade e a actividade inventiva teñen alcance mundial
Outro dos erros dos inventores é esquecer que tanto a novidade como a actividade inventiva teñen alcance mundial.Isto significa que pode destruír a novidade dunha invención calquera divulgación que tivera lugar antes da data de presentación en calquera lugar do mundo.Xa dixemos antes que o que un non coñece non significa que non exista.
F) Non respectar os prazos de prioridade
Cómpre recordar que o prazo para presentar unha solicitude de patente noutro país, invocando validamente a data de presentación, é de 12 meses.
