Oficina española de Patentes y Marcas

Desde o día 1 de xuño de 2005, o acceso ós bancos de datos de Sitadex e Inpamar realízase exclusivamente a través de Internet.

A primeiros de cada mes faráselle unha facturación na que se recollerán as consultas realizadas a Inpamar.

Unha vez que se accedeu ó novo sistema de consulta, solicítaselle ó usuario o código do terminal (LID) e o contrasinal (PASSWORD).Os códigos de terminal e contrasinais do novo sistema serán os mesmos que se utilizaban no sistema MENURPI.

Para evitar que os sistemas iterativos de investigación dos códigos de terminal e palabras de paso poidan dar acceso ó sistema, ó quinto intento inhabilítase o acceso á consulta.Para poder rehabilitar o servizo será necesario contactar coa Oficina de Difusión tel.: 913495331, difusion@oepm.es, da OEPM.

Cando se estableceu unha conexión, pode ser mantida polo usuario o tempo que necesite ou considere necesario para a realización das súas consultas.No entanto previuse unha desconexión do sistema cando o tempo de inactividade dunha conexión sexa superior a 180 segundos. Esta desconexión é debida a que en moitas ocasións mantéñense conexións inactivas que están a producir un consumo de recursos innecesario tanto para os clientes conectados nese momento como para os recursos do sistema co consecuente efecto que iso produce.

Unha vez interrompida unha conexión logo de transcorridos os 180 segundos non poderá renovarse na consulta onde se atopaba; senón que o sistema situaranos na pantalla de inicio de conexión onde haberá de teclearse novamente o código do terminal e o contrasinal de acceso.

Para o uso do novo sistema de consulta recoméndase o uso dos navegadores Internet Explorer, Opera ou Firefox nas súas versións máis recentes.

Unha vez que se entrou na aplicación, deberase navegar mediante as opcións que ela ofrece, é dicir, cos botóns de navegación da aplicación e non cos botóns de atrás ou adiante do navegador.De empregárense os botóns do navegador poden producirse resultados inesperados e problemas de navegación.

Nas pantallas, a resolución que se considerou máis idónea é a de 1024 × 768. No entanto cada usuario poderá utilizar a que considere oportuna.

En Inpamar , para os Informes de Identidades e Parecidos, o formato de presentación da información non difire moito do actual, aínda que se introduciron algunhas melloras. No entanto, os criterios de identidade e parecido non cambiaron.

• En canto ás datas, os informes anteriores só presentaban a data de publicación da solicitude no caso de signos distintivos nacionais. Nos novos informes serán as datas de presentación ou de prioridade as que figuren, tanto para S.D. nacionais como internacionais así como para expedientes da O.A.M.I.
• Nos informes de identidade e parecido reduciuse a aparición de asteriscos co fin de evitar confusións. Soamente aparecen cando se trata da clase 42, á beira da situación nos informes de parecidos e á beira da clase nos de identidades.

En ambos casos débese á entrada en vigor da 8.ª edición da Clasificación de Niza que adecuaba as clases para a consulta de parecidos nas clases 35 a 45 para as marcas de servizo.

Como non se reclasificaron as marcas anteriores da clase 42, as procuras de parecidos que se fagan nas clases 43, 44 e 45 ademais de recuperar as clasificadas nesas clases, inclúen as marcas clasificadas na clase 42 de anteriores edicións da Clasificación e sinálanse cun asterisco.

• As clases aparecen na última columna do informe de identidades, e cando se trata dun expediente da 42 antiga, sinálase con asterisco.
• Finalmente, incluíronse novos códigos de situación dos expedientes procedentes da O.A.M.I. facéndose máis clara a súa interpretación. Non existe ningunha variación en canto a S.D. nacionais e internacionais. As novas situacións son (VI) vigor, (RE) retirada e (TR) trámite.

Nos Informes de Identidade e Parecido o resultado das procuras é o seguinte

Informe de Identidades

Columna 1: Identificación do expediente

A primeira letra indica a modalidade:(M) Marca nacional, (N) Nome comercial, (R) Rótulo de establecemento, (I) Marca internacional, (A) Marca comunitaria.

Os seguintes 7 díxitos corresponden ó número de solicitude do expediente.

Columna 2:Situación do expediente

Permanecen os códigos anteriores para as marcas nacionais e internacionais e para as marcas comunitarias asígnanse os valores de (VIN) Vigor, (TR) Trámite e (RE) Retirada.

Columna 3: Data de presentación ou prioridade

No caso das marcas nacionais e internacionais inclúese a data de presentación ou prioridade, segundo o caso.Para as marcas comunitarias é a data de presentación.

Columna 4: Tipo de marca

(D) Denominativa ou (M) Mixta

Columna 5: Denominacións recuperadas

Resultado da investigación correspondente á denominación proposta.

Columna 6: Clases

Indica a clase ou clases do expediente.Corresponde ós códigos da Clasificación Internacional de produtos e servizos.

Informe de parecidos

A interpretación é a mesma que para o caso das identidades coa excepción de que non aparece a columna de Clase xa que a procura faise nunha soa clase.