Oficina española de Patentes y Marcas

Baixo o lema “ANTE AS FALSIFICACIÓNS, NON SEXAS CÓMPLICE”, a Oficina Española de Patentes e Marcas (OEPM) e a Asociación Nacional para a Defensa da Marca (ANDEMA) lanzaron o 2 de xuño de 2015 unha campaña de sensibilización sobre a realidade que hai detrás do problema das falsificacións e os prexuízos que estas supoñen.

Esta campaña pretende facer chegar unha mensaxe á sociedade española sobre as consecuencias negativas do consumo de produtos falsificados, así como das circunstancias que hai detrás do fenómeno delituoso das falsificacións, por parte dos distintos sectores que son vítimas diso.

A campaña utiliza mensaxes e consecuencias concretas derivadas do consumo de produtos falsificados, como por exemplo: Perda de POSTOS DE TRABALLO e PECHE DE EMPRESAS, MAFIAS e GRUPOS DE DELINCUENCIA, IRRESPONSABILIDADE DO CONSUMIDOR, RISCOS PARA A SAÚDE DOS CONSUMIDORES.

A campaña inclúe:

• Vídeo documental, que reflicte a historia real de Ousmane Seck, cidadán senegalés residente na actualidade en Torrevieja, que quedou en España de xeito ilegal en 2009. Conta a súa experiencia sobre como se viu inmerso no comercio ilegal de produtos falsificados no “top manta”, todo o que rodea a este ámbito e como logrou abandonar estas prácticas coa ONG ASILA, de Torrevieja).
• Diferentes materiais informativos (folletos informativos, carteis, banners,...) sobre a realidade actual do problema do consumo de produtos falsificados, que se distribuirán de forma física e online. Ademais, a campaña difundirase a través de diferentes soportes de publicidade exterior, como por exemplo, no BUS n.º 147 (Pza. Callao - Barrio del Pilar) da EMT en Madrid, así como nun dos autobuses turísticos que percorren as principais zonas comerciais e turísticas da cidade de Madrid, ambos os dous durante o mes de xuño de 2015.

Os contidos da campaña difúndense a través do portal www.yosoyoriginal.es e nos perfís de redes sociais das entidades que promoven a campaña: @YoSoyOriginal_ (Twitter), Yo Soy Original (Facebook) @OEPM_es (Twitter), Oficina Española de Patentes e Marcas (OEPM) en Facebook, Canle OEPM en YouTube e @andema_es (Twitter) que utilizan dúas etiquetas / #

#stopfalsificaciones (etiqueta permanente)

#NoSeasComplice (etiqueta relativa á campaña)

Material da campaña

Institucións e Marcas que apoian a campaña

Campaña en inglés

Noticia: Non sexas cómplice