Respondemos todas aquellas dudas referentes a los diferentes procesos implicados en la propiedad industrial.
Non atopar a marca, a patente ou o deseño nas bases de datos da OEPM non garante que non exista nada semellante, pois a consulta puido ser realizada de xeito incorrecto.
Ademais a concesión dun dereito de propiedade industrial está supeditada a que a solicitude cumpra os requisitos legalmente establecidos, polo que en ningún caso é posible asegurar a priori a concesión dun dereito de propiedade industrial.
As cuestións expostas non son competencia da Oficina Española de Patentes e Marcas.
As respectivas lexislacións de propiedade industrial para patentes, signos distintivos e deseño industrial establecen o alcance da protección que estes dereitos lle outorgan ao seu titular e as accións xudiciais que o titular pode exercitar contra calquera que viole o seu dereito (ver en http://www.oepm.es/gl/propiedad_industrial/Normativa/).
Posto que son os tribunais ou o acordo entre as partes os que deben decidir nestes conflitos, suxírolle contacte cun axente da propiedade industrial ou un avogado especialista na materia
As siglas BOPI corresponden a Boletín Oficial da Propiedade Industrial. Esta publicación é editada diariamente pola Oficina Española de Patentes e Marcas, e constitúe o medio de comunicación oficial dos actos administrativos (solicitudes, notificacións e resolucións) das distintas modalidades de propiedade industrial.
De maneira coloquial podería dicirse que o BOPI é o BOE das patentes, marcas e deseños oficiais.