Preguntas frecuentes

Marka izan daitezke ondoko zeinu edo bitartekoak:

• a) Hitzak edo hitz-konbinaketak, pertsonak identifikatzeko balio dutenak barne. Adibidez: “DULCILIA” produktuak edo zerbitzuak bereizteko, edo “El Juli” izen artistiko gisa.
• b) Irudiak, figurak, sinboloak eta grafikoak; adibidez: Ferrari autoen bereizgarria den zaldi baten irudia aurreko hankak goian dituela, edo Lacoste jantzien krokodiloa.
• c) Hizkiak, zifrak eta konbinaketak; adibidez: BBVA, Licor 43 edo S-3.
• d) Hiru dimentsioko formak: bilgarriak, ontziak, produktuaren forma edo bere itxura.
• e) Soinuak.
• f) Aurreko ataletan aipatutako zeinu edo bitartekoak adierazteko edozein konbinaketa.

Erregistratu nahi den zeinuak legezkoa izan behar du, eta markak bete behar dituen funtzioak betetzeko gai izan behar du: batetik, identifikatu eta bereizi, eta horrek ez du esan nahi legeak ezartzen dituen erabateko debekuetan erortzen ez denik; eta bestetik, eskuragarri izatea, hau da, beste eskubide batzuen aurka ez dezala egin, marka gisa edo izaera eskubide gisa (izenaren eskubidea, norberaren irudia, jabetza intelektualaren bestelako eskubidea, eta abar).

Marka erregistratzearen kostua beti berdina da, marka mota kontuan hartu gabe.

Eskaeraren kostua zehazten duena erregistroa zenbat klasetan egin nahi den da.

Tasen zenbatekoak urtero eguneratzen dira Estatuko Aurrekontu Orokorren Legearen bitartez eta Espainiako Patente eta Marken Bulegoaren web orrian jasotzen dira (Tasas OEPM).

Marka edo merkataritza izena inskribatzeak 144 € balio du eskatutako lehen motagatik. Bide elektronikoa erabiliz egindako eskaeren kasuan %15eko deskontua dago. Eskatutako bigarren motak eta hurrengoek 93 euro balio dute, gutxi gorabehera.

Eskubide horiei eusteko hamar urtero berritu egin behar dira. Tasa horien zenbatekoa urtero eguneratzen da Estatuko Aurrekontu Orokorren Legearen bitartez. eta zenbatekoa OEPM Bulegoaren web-orrian dago (Tasak OEPM).